Ажилтнуудын сэтгэл ханамж бол манай байгууллагын хамгийн том үнэт зүйл, бахархал юм. МСМ-чүүдийг байгууллагадаа ажиллахад юу тэднийг аз жаргалтай болгодог талаар манай 5 ажилтан та бүхэнтэй хуваалцсаныг доорх зургаас хүлээн авч уншина уу.
“МСМ Групп” ХХК-д карьерын аяллаа эхлүүлэх бол ЭНД ДАРЖ зарлагдсан нээлттэй ажлын байруудад анкетаа илгээгээрэй.
МСМ Групп ХХК (болон охин компаниуд болох “Бетастар”, “SGT”) нь үйл ажиллагаандаа чанар, хөдөлмөрийн аюулгүй ажиллагаа, эрүүл ахуй болон байгаль орчны олон улсын стандартуудыг нэвтрүүлснийг “TÜV Cyprus” байгууллагаас 2024 оны 7-р сард аудит хийж, Нэгдсэн Удирдлагын Тогтолцоо (ISO9001:2015; ISO14001:2015; ISO45001:2018 Стандартууд)-ын шаардлагыг бүрэн хангаж буйг баталгаажууллаа.
Бид үйл ажиллагаандаа төгс гүйцэтгэлийг эрмэлзэж тасралтгүй сайжруулалтыг хийж байгаа бөгөөд манай компанийн бизнесийн үйл явц, чанар, ХАБЭОБО болон компанийн хэмжээнд мөрдөгдөж байгаа дүрэм, журмын хэрэгжилт нь олон улсын стандартын дагуу явагдаж байна.
МСМ Групп нь 600 гаруй ажилтантайгаар Автомотив, Индастриал, Шингэн хүнс зэрэг бизнесийн 3 салбар, 6 чиглэлд үйл ажиллагаа явуулдаг билээ.
МСМ Группийн “ONE MSM” соёлын хүрээнд дэлхийн тэргүүлэх брэндүүдтэй хамтран ажиллаж, үргэлж суралцах боломжтой байдаг тул ажилтнууд салбар болон хэлтэс дотроо эсвэл өөр хэлтэс, салбарт албан тушаал дэвших болон шилжиж карьераа өсгөх боломж нээлттэй байдаг.
2024 оны хагас жилд нийт 28 ажилтан албан тушаал дэвших болон шилжиж карьераа өсгөж, карьертаа өөрчлөлт оруулжээ.
“МСМ Групп” ХХК-д карьерын аяллаа эхлүүлэх бол ЭНД ДАРЖ зарлагдсан нээлттэй ажлын байруудад анкетаа илгээгээрэй.
МСМ Групп ажилтнууддаа ажиллаж буй салбарын мэргэжлийн сургалтыг дотоодын болон гаднын мэргэжилтнүүдээс авах боломжийг олгоод зогсохгүй хувийн ур чадвараа хөгжүүлэх сургалтуудыг тогтмол зохион байгуулдаг билээ.
Үүний нэг жишээ бол манай байгууллагын Ахлах механик албан тушаалтай Э.Ивээлтнаран Тайланд улсад зохион байгуулагдсан Форд дистрибьютерийн техникийн Level 2 түвшний сургалтад амжилттай хамрагдаж Монгол улсдаа анхдагч төдийгүй бүсийн хэмжээнд цөөхөн тооцогддог механикуудын нэг болсон нь Автомотивын салбарт шинэ стандартыг тогтоолоо.
Цаашид ч МСМ Групп үйлчлүүлэгч, харилцагч нартаа дээд зэргийн, чанартай үйлчилгээ, бүтээгдэхүүнийг хүргэх, ажилтнууд байгууллагадаа тогтмол хөгжиж, шинэ ур чадвар эзэмшихэд дэмжин ажиллана.
МСМ Группээс компанийн нийгмийн хариуцлагын хүрээнд харааны бэрхшээлтэй хүүхдийн Нийслэлийн ерөнхий боловсролын 116-р сургуулийн урлагийн танхимд 30 ширхэг сандал хандивлалаа.
116-р сургууль нь харааны бэрхшээлтэй хүүхдүүдэд тусгай хэрэгцээт боловсрол олгодог нийслэлийн ерөнхий боловсролын сургууль юм. Харааны бэрхшээлтэй сурагчид нь сонсох болон дуулах, шүлэг унших зэрэг урлагийн олон төрлийн авьяастай байдаг билээ. “МСМ Групп” ХХК-аас суралцагч бүрийн оролцоо, хүртээмжийг сайжруулах зорилгоор урлагийн танхимын сандал хандивлаж байгаа юм.
Нийгмийн сайн сайхан, хүүхдийн эрх, боловсрол хөгжилд урт хугацааны бодит хувь нэмэр оруулж буй төслийг дэмжин ажиллах нь бидний нийгмийн хариуцлагын зорилго билээ.
Байгаль орчны тогтвортой хөгжлийн зорилтын хүрээнд компанийн үйл ажиллагаанаас гарах хог хаягдлыг бууруулж, ангилан ялгасан хаягдлыг дахин боловсруулах “Zero Waste” санаачилгыг хэрэгжүүлэн 2023 онд бид 9,1 тонн шуудай, 3,3 тонн төмөр боошиг, 186кг хуванцар канистр, хагас тонн гялгар уут, 27кг батарей, 6000л тос, масло болон бусад хог хаягдлуудыг дахин боловсруулах компаниудад нийлүүллээ.
МСМ Групп байгаль орчин, хог хаягдлын менежментийн сургалтад дотооддоо нийт ажилтнуудаа хамруулж, дахин боловсруулах боломжтой бүхий л хаягдал болон үйлдвэрийн тусгай хаягдлуудыг хөрсний бохирдол үүсгэхгүй устгалд орууллаа.
“МСМ Групп” ХХК нь компанийн нийгмийн хариуцлагын хүрээнд эрүүл мэнд, хүрээлэн буй орчин, хүүхдийн боловсрол зэрэг чиглэлүүдээр нийгмийн сайн сайхан, хөгжилд урт хугацааны бодит хувь нэмэр оруулж буй төсөл, хөтөлбөрүүдийг дэмжин ажилладаг.
Ажилтны сэтгэл ханамж болон харилцагчийн сэтгэл ханамж нь шууд холбоотой байдаг билээ. МСМ Групп нь ажилтны сэтгэл ханамжийг нэмэгдүүлэх зорилтыг оны гол зорилтуудын нэгээр тодорхойлон ажилласнаар 2023 онд өөрсдийн 25 жилийн түүхэн дэх хамгийн өндөр ажилтан болон харилцагчийн сэтгэл ханамжуудын үзүүлэлтүүдийг гаргалаа. Бид ажилтны сэтгэл ханамжийг нэмэгдүүлэх зорилтын хүрээнд дараах ажлуудыг хэрэгжүүлсэн юм.
Багийн хамтын ажиллагаа – МСМ Групп нь МСМ Автомотив, МСМ Индастриал, МСМ Бетастар гээд төрөлжсөн салбар, бүс нутгуудад үйл ажиллагаагаа эрхэлдэг билээ. Иймд эдгээр салбаруудын хамтын ажиллагааг дэмжихэд бүх нийтийг хамарсан байгууллагын үйл ажиллагаанууд чухал байдаг ба бид МСМ Наадам, quiz night, спортын наадам, шинэ жилийн үдэш зэрэг олон арга хэмжээнүүдийг зохион байгуулсан юм. Хамтын ажиллагаа нь бидний эрхэм зүйлсийн нэг билээ.
Нийт ажилтны хурал – Ажилтнууддаа нээлттэй харилцаа холбоо, мэдээлэл хүргэх нь аливаа байгууллагын тогтвортой хөгжлийн гол үндэс сууриудын нэг байдаг. Бид энэ зарчмын хүрээнд улирал бүр нийт ажилтны хурлыг зохион байгуулж, үйл ажиллагааны гүйцэтгэл, ололт амжилтууд, тулгарч буй бэрхшээл, алсын хараа зэрэг бүхий л мэдээллийг хүртээмжтэй хүргэн ажиллаж байна. Хурлаар ажилтнууд ТУЗ, удирдах багт нээлттэй хандан бүхий л асуултдаа хариу авах боломжтой.
Ажилтны хөгжил – Бид ажилтнуудаа байгууллагадаа тогтмол хөгжин, шинэ ур чадварт суралцаж, өөрийн цар хүрээг тэлэхэд үргэлж дэмждэг билээ. Мөн бид ажилтан хоорондын 360 манлайллын хөтөлбөрийг хэрэгжүүлэн, бие биеэсээ суралцаж хөгжүүлэх санаачилгыг дэмжин ажиллалаа. Тогтмол сайжруулан хөгжих нь бидний эрхэм зүйлсийн нэг юм.
Талархал – Бид ажилтнуудынхаа өдөр тутам компанийн үйл ажиллагаанд оруулж буй хувь нэмрийг үнэлэн, шагнаж, тэдний амжилтыг ажилтнуудтайгаа хуваалцдаг билээ. Ажилтнуудаа үнэлэн, тэдэнд талархах нь бидний эрхэмлэдэг зүйлүүдийн нэг юм.
Урамшуулал – Бид ажилтнуудын урамшууллын дүнг тогтмол салбарын шилдэг жишиг болон инфляцтай уялдуулдаг ба гүйцэтгэлд суурилсан шударга тогтолцоог баримталдаг билээ.
МСМ Группэд ажилласнаар дэлхийн тэргүүлэгч брэндүүдийн бүтээгдэхүүн, үйлчилгээтэй ажиллахаас гадна мөн нээлттэй харилцаа холбоо, тогтмол хөгжиж, өөрийн цар хүрээгээ тэлэх боломжтой багийн нэг болон ажиллах боломжтой.
Сэтгэл зүйн эрүүл мэнд биеийн эрүүл мэнд шиг чухал байдаг. Тиймээс МСМ Групп 2024 оныг ажилтнуудынхаа сэтгэлзүйнэрүүлмэндэд анхаарах жил болгож 2 удаагийн сэтгэл зүйн ганцаарчилсан зөвлөгөөг үнэ төлбөргүй авч, сургалтад хамрагдаж, сэтгэл зүйн талаар мэдээллүүдийг тогтмол авах юм.
Уг ажлуудын хүрээнд 1-р сард сэтгэл зүйн тэнцвэртэй байдлаа хэрхэн хадгалах, сэтгэл зүйгээ таньж мэдэх талаарх сургалтыг Сэтгэц оношилгоо, сэтгэл зүйн төвийн Захирал Д.Цогзолмаа “Хувь хүний сэтгэл зүйн тэнцвэртэй байдал” сэдвээр орлоо.
Хүүхдийн эрхийг хамгаалах, хангах олон төсөл санаачилгуудыг хэрэгжүүлдэг Лантуун ДОХИО ТББ-аас жил бүр шинэ жилээр “ИД ШИДИЙН УУТ 2023” аяныг хэрэгжүүлж байгаа билээ.
МСМ Групп нь компанийн нийгмийн хариуцлагын хүрээнд “ИД ШИДИЙН УУТ 2023” ид шидийг бүтээх аянд нэгдэж, хандив илгээлээ. Ид шидийн бэлгийн уутанд 3000 ширхэг Ocean Spray ундааг хандивласан бөгөөд мөнгөн хандив өгч, бэлгийг машинаар түгээхэд оролцохоор боллоо.
Нийгмийн сайн сайхан, хүүхдийн эрх, боловсрол хөгжилд урт хугацааны бодит хувь нэмэр оруулж буй төслийг дэмжин ажиллах нь бидний нийгмийн хариуцлагын зорилго билээ.
МСМ Группийн ажилтнуудад сар бүр мэдлэг, мэдээлэл олгох зорилгоор “Monthly Speaker Talks” хөтөлбөрийг хэрэгжүүлдэг билээ.
11-р сарын “Monthly Speaker Talks” хөтөлбөрөөр хөгжлийн бэрхшээлийн тухай ойлголт, хөгжлийн бэрхшээлтэй иргэдэд тулгарч буй нийгмийн асуудал болон тэгш хүртээмжтэй нийгмийг бий болгох талаар сургалтыг ХНХЯ-ны мэргэжилтэн, Олон улсын сургагч багш Б.Болороо “Хөгжлийн бэрхшээл ба тэгш байдлын тухай” сэдвээр орлоо.
Хөгжлийн бэрхшээл бол тухайн хүн ямар байх бус тэдний нийгмийн оролцоог хязгаарлах, тусгаарлахаас үүдэж буй бэрхшээл бөгөөд эдгээр бэрхшээлийг бид хандлагаа өөрчилж, орчин нөхцөлөө сайжруулахад зорьсноор тэгш хүртээмжтэй нийгэм бүрдүүлж чадна.
Бидэнд маш үнэ цэнтэй ойлголт, мэдлэгийг олгосон Б.Болороод гүнээ талархаж байгаагаа илэрхийлье.