MSM

МСМ Групп нь БНХАУ-аас Монгол Улсад суугаа онц бөгөөд бүрэн эрхэт элчин сайд Шэнь Минжуан болон элчин сайдын яамны төлөөлөгчдийг хүлээн авч, хамтын ажиллагааны талаар чухал уулзалт зохион байгууллаа.

Уулзалтын үеэр худалдааны харилцааг бэхжүүлэх, мөн сэргээгдэх эрчим хүч, хөдөө аж ахуйн салбарт шинэ боломжуудыг судлах талаар санал солилцлоо. Эдгээр нь манай хоёр орны хувьд өсөлтийн өндөр боломж бүхий стратегийн чухал салбарууд билээ.

МСМ Групп нь олон улсын худалдаа, хөрөнгө оруулалтыг дэмжих үйл ажиллагаанд анхаарч, автомашин, дэд бүтэц, хэрэглээний бүтээгдэхүүний салбарт тэргүүлэгч БНХАУ-ын тэргүүлэгч цахилгаан автомашины BYD брэнд, аж үйлдвэрийн тоног төхөөрөмжийн үйлдвэрлэгч SANY Group, өндөр зэрэглэлийн дарсны Long Dai Fine Wine брэндүүдтэй хамтран ажиллаж байна. Энэхүү хамтын ажиллагаа нь Монгол Улсын эдийн засгийн хөгжилд бодит хувь нэмэр оруулж, дэвшилтэт технологи, тогтвортой шийдлүүд, чанартай бүтээгдэхүүнийг зах зээлд нэвтрүүлж байна.

Бид БНХАУ-ын Элчин сайдын яам болон бизнесийн түншүүдтэйгээ хамтын ажиллагаагаа өндөрөөр үнэлж, цаашид улам өргөжүүлэн хөгжүүлэх шинэ боломжуудыг нээн, өсөлт, инноваци, харилцан ашигтай хамтын ажиллагааг улам өргөжүүлэхээр ажиллаж байна.

Байгаль орчны тогтвортой хөгжлийн зорилтын хүрээнд компанийн үйл ажиллагаанаас гарах хог хаягдлыг бууруулж, дахин боловсруулах боломжтой бүхий л хаягдал болон үйлдвэрийн тусгай хаягдлуудыг хөрсний бохирдол үүсгэхгүй дахин боловсруулах компаниудад нийлүүллээ.

2024 онд бид 234кг хуванцар, лааз, 75кг электрон хаягдал, 24,9тн хаягдал тос, 9,6тн химийн бодисын уут, шуудай, 40,2тн хаягдал химийн бодис болон бусад хог хаягдлуудыг дахин боловсруулах компаниудад нийлүүллээ.

“МСМ Групп” ХХК нь компанийн нийгмийн хариуцлагын хүрээнд эрүүл мэнд, хүрээлэн буй орчин, хүүхдийн боловсрол зэрэг чиглэлүүдээр нийгмийн сайн сайхан, хөгжилд урт хугацааны бодит хувь нэмэр оруулж буй төсөл, хөтөлбөрүүдийг дэмжин ажилладаг.

МСМ Группийн шингэн хүнсний МСМ Бетастар компани болон Lotte Chilsung корпорац хамтын ажиллагааны гэрээ байгуулж, Өмнөд Солонгос улсын премиум зэрэглэлийн шингэн хүнсний бүтээгдэхүүнүүдийг нийлүүлж эхлэхээр боллоо.

Өмнөд Солонгос улсад төвтэй Lotte Chilsung Beverages компани нь Азийн хамгийн томоохон шингэн хүнсний компаниудын нэг бөгөөд жилийн борлуулалтын орлого нь 4.3 их наяд воноос давдаг. 1950 онд байгуулагдсанаасаа хойш тус компани шингэн хүнсний үйлдвэрлэлийн тэргүүлэгч болж, хийжүүлсэн ундаа, жүүс, савласан ус, хатуулагтай шингэн хүнс зэрэг олон төрлийн бүтээгдэхүүнийг хэрэглэгчдэд хүргэж ирсэн. Хамгийн алдартай брэндүүдийн нэг нь Chum Churum бөгөөд зөөлөн, шинэлэг амтаараа дэлхий даяар алдаршсан солонгос сөжү юм.

Энэхүү хамтын ажиллагааны хүрээнд МСМ Групп нь Chum Churum Original, Chum Churum Soonhari, Searo Soju зэрэг брэндүүдийг 2025 оны 4-р сараас эхлэн албан ёсоор түгээх эрхтэй болж байна. Энэхүү хамтын ажиллагаа нь МСМ Группийн шингэн хүнсний зах зээл дэх тэргүүлэгч байр суурийг улам бэхжүүлж, дэлхийд хүлээн зөвшөөрөгдсөн Солонгосын сөжүний брэндүүдийг хэрэглэгчдэд хүргэх боломжийг бүрдүүлж байна.

МСМ Группийн Гүйцэтгэх захирал Марк Габел Алтан гадас одон хүртлээ. Шагналыг Зам тээврийн яамны төрийн нарийн бичгийн даргын үүрэг гүйцэтгэгч Б.Болор-Эрдэнэ гардуулсан бөгөөд энэхүү шагнал нь МСМ Группийн улс орны эдийн засаг, хөгжилд оруулсан чухал хувь нэмрийг үнэлсэн илэрхийлэл юм.

МСМ Групп нь 1998 онд байгуулагдсанаасаа хойш Автомотив, Индастриал, Шингэн хүнс зэрэг бизнесийн үндсэн 3 салбарт олон улсын премиум зэрэглэлийн брэндүүд, дээд зэргийн чанартай бүтээгдэхүүн, үйлчилгээг хүргэн ажиллаж байна. 750 гаруй ажилтантай МСМ Групп нь Улаанбаатар хотод үзэсгэлэнгийн танхим, засварын төвүүд, агуулах болон борлуулалтын төвүүдийн үйл ажиллагааг эрхэлдэг бөгөөд Өмнөговь аймаг болон бусад бүс нутагт мөн үйл ажиллагаа явуулж байна. МСМ Групп нь дэлхийд тэргүүлэх брэндүүд, тэдгээрийн философи, соёл, стандартыг эх орондоо танилцуулан, харилцагч түншүүдийн үйл ажиллагааг дэмжин хамтран ажиллах төдийгүй компанийн нийгмийн хариуцлагын хүрээнд нийгэм, эрүүл мэнд, байгаль орчин, урлаг соёл, хүүхдийн боловсрол зэрэг санаачилга, төсөл хөтөлбөрүүдийг тогтмол дэмжин ажилладаг.

МСМ Автомотив нь Mercedes-Benz, Jeep, INEOS, Ram, Ford, BYD, Fuso зэрэг дэлхийд танигдсан автомашины брэндүүдийг албан ёсоор төлөөлөн борлуулдаг бөгөөд тэдгээрийн 40 гаруй автомашины загварыг санал болгодог. МСМ Групп нь дэлхийд цахилгаан автомашины үйлдвэрлэлээрээ тэргүүлэгчдийн нэг болох BYD брэндийн цахилгаан автомашиныг анхлан нэвтрүүлж тогтвортой тээврийн хэрэгслийн шийдлээр тэргүүлэн, Монгол Улсын авто тээврийн салбарын ирээдүйг тодорхойлж байна. МСМ Группийн шингэн хүнсний салбарын охин компани болох МСМ Бетастар нь 90 гаруй брэндийн 260 орчим нэр төрлийн бүтээгдэхүүнийг Монголын зах зээлд албан ёсоор төлөөлөн борлуулж байна. МСМ Индастриал нь уул уурхай, аж үйлдвэр, хөдөө аж ахуйн тоног төхөөрөмжийн салбарт борлуулалт, түрээс, засвар үйлчилгээ болон багаж хэрэгсэл нийлүүлэн, нийт 50 гаруй индастриалын брэндийг Монголд албан ёсоор төлөөлөн үйлчилж байна. Мөн МСМ Индастриал нь уул уурхайн салбарын аюулгүй байдал, бүтээмжийг дээшлүүлэхэд чухал үүрэг гүйцэтгэж, хамгийн сүүлийн үеийн уул уурхайн тоног төхөөрөмж, засвар үйлчилгээний цогц шийдлийг санал болгож байна.

2024 онд МСМ Групп нь улсын төсөвт нийт 97 тэрбум төгрөгийн татварыг татан төвлөрүүлсэн бөгөөд Монголын Татварын Албаны Том сегментийн /Бизнес скоринг А үнэлгээтэй/ шилдэг 10 татвар төлөгчийн нэгээр нэрлэгдсэн бөгөөд улсын эдийн засгийн өсөлт, тогтвортой байдалд тасралтгүй хувь нэмрээ оруулан үйл ажиллагаагаа эрхэлдэг билээ.

МСМ Групп нь үйл ажиллагаагаа өргөжүүлэн, эдийн засгийн хөгжилд хувь нэмрээ оруулахаас гадна ажилтнуудынхаа өсөлт, хөгжилд анхааран, тогтмол хөрөнгө оруулалт хийж ирсэн. Ажилтнуудын хувь хүний болон мэргэжлийн өсөлтийг дэмжсэн орчныг бүрдүүлснээр МСМ Групп нь ажилтнууддаа өөрсдийн мэдлэг, туршлагаасаа бодитой үр өгөөж хүртэх нөхцөлийг бүрдүүлж байна.

МСМ Группийн Гүйцэтгэх захирал Марк Габелийн алсын хараа, манлайлах ур чадвар, мэдлэг, туршлага нь МСМ Группийн амжилттай өсөлт, хөгжлийн үндэс болсон. Энэхүү шагнал нь түүний болон МСМ Группийн Монгол Улсын эдийн засаг, бизнесийн салбарт оруулсан хувь нэмэр, эерэг нөлөөллийн илэрхийлэл юм.

МСМ Групп нь харилцагч, түншүүддээ хүргэх бүтээгдэхүүн, үйлчилгээндээ өндөр стандартыг эрхэмлэн, нийгэм эдийн засагт эерэг хувь нэмрээ оруулахыг зорилго болгон ажилладаг.

МСМ Групп АНУ-аас Монгол Улсад суугаа Элчин сайд ноён Ричард Буанган болон түүний Эдийн засгийн багийг хүлээн авч, хоёр байгууллагын найрсаг харилцааг бэхжүүллээ.

Уулзалтын үеэр МСМ Групп нь хөрөнгө оруулалтын боломжуудыг өргөжүүлэх, олон улсын харилцааг бэхжүүлэх, инновацыг дэмжих зэрэг энэ онд төлөвлөж буй онцлог хөгжүүлэлтүүдээсээ хуваалцлаа. Бид МСМ Автомотивийн Ford, Jeep, Ram, МСМ Бетастарын Jack Daniel’s, МСМ Индастриалын John Deere, Terex зэрэг бизнесээрээ Монгол улс болон АНУ-ын худалдаанд хувь нэмрээ оруулан, хамтын ажиллагааг цаашид улам сайжруулахаар зорин ажиллаж байна.

МСМ Групп нь Элчин сайд болон Улаанбаатар дахь АНУ-ын Элчин сайдын яаманд талархал илэрхийлж, хоёр улсын худалдаа, хөрөнгө оруулалтыг нэмэгдүүлэхэд хамтын ажиллагааны ач холбогдлыг онцолсон үр бүтээлтэй яриа хэлэлцээ хийсэнд талархаж байна.