Tag: Групп

Байгаль орчны тогтвортой хөгжлийн зорилтын хүрээнд компанийн үйл ажиллагаанаас гарах хог хаягдлыг бууруулж, ангилан ялгасан хаягдлыг дахин боловсруулах “Zero Waste” санаачилгыг хэрэгжүүлэн 2023 онд бид 9,1 тонн шуудай, 3,3 тонн төмөр боошиг, 186кг хуванцар канистр, хагас тонн гялгар уут, 27кг батарей, 6000л тос, масло болон бусад хог хаягдлуудыг дахин боловсруулах компаниудад нийлүүллээ.

МСМ Групп байгаль орчин, хог хаягдлын менежментийн сургалтад дотооддоо нийт ажилтнуудаа хамруулж, дахин боловсруулах боломжтой бүхий л хаягдал болон үйлдвэрийн тусгай хаягдлуудыг хөрсний бохирдол үүсгэхгүй устгалд орууллаа.

“МСМ Групп” ХХК нь компанийн нийгмийн хариуцлагын хүрээнд эрүүл мэнд, хүрээлэн буй орчин, хүүхдийн боловсрол зэрэг чиглэлүүдээр нийгмийн сайн сайхан, хөгжилд урт хугацааны бодит хувь нэмэр оруулж буй төсөл, хөтөлбөрүүдийг дэмжин ажилладаг.

Ажилтны сэтгэл ханамж болон харилцагчийн сэтгэл ханамж нь шууд холбоотой байдаг билээ. МСМ Групп нь ажилтны сэтгэл ханамжийг нэмэгдүүлэх зорилтыг оны гол зорилтуудын нэгээр тодорхойлон ажилласнаар 2023 онд өөрсдийн 25 жилийн түүхэн дэх хамгийн өндөр ажилтан болон харилцагчийн сэтгэл ханамжуудын үзүүлэлтүүдийг гаргалаа. Бид ажилтны сэтгэл ханамжийг нэмэгдүүлэх зорилтын хүрээнд дараах ажлуудыг хэрэгжүүлсэн юм.

Багийн хамтын ажиллагаа – МСМ Групп нь МСМ Автомотив, МСМ Индастриал, МСМ Бетастар гээд төрөлжсөн салбар, бүс нутгуудад үйл ажиллагаагаа эрхэлдэг билээ. Иймд эдгээр салбаруудын хамтын ажиллагааг дэмжихэд бүх нийтийг хамарсан байгууллагын үйл ажиллагаанууд чухал байдаг ба бид МСМ Наадам, quiz night, спортын наадам, шинэ жилийн үдэш зэрэг олон арга хэмжээнүүдийг зохион байгуулсан юм. Хамтын ажиллагаа нь бидний эрхэм зүйлсийн нэг билээ.

Нийт ажилтны хурал – Ажилтнууддаа нээлттэй харилцаа холбоо, мэдээлэл хүргэх нь аливаа байгууллагын тогтвортой хөгжлийн гол үндэс сууриудын нэг байдаг. Бид энэ зарчмын хүрээнд улирал бүр нийт ажилтны хурлыг зохион байгуулж, үйл ажиллагааны гүйцэтгэл, ололт амжилтууд, тулгарч буй бэрхшээл, алсын хараа зэрэг бүхий л мэдээллийг хүртээмжтэй хүргэн ажиллаж байна. Хурлаар ажилтнууд ТУЗ, удирдах багт нээлттэй хандан бүхий л асуултдаа хариу авах боломжтой.

Ажилтны хөгжил – Бид ажилтнуудаа байгууллагадаа тогтмол хөгжин, шинэ ур чадварт суралцаж, өөрийн цар хүрээг тэлэхэд үргэлж дэмждэг билээ. Мөн бид ажилтан хоорондын 360 манлайллын хөтөлбөрийг хэрэгжүүлэн, бие биеэсээ суралцаж хөгжүүлэх санаачилгыг дэмжин ажиллалаа. Тогтмол сайжруулан хөгжих нь бидний эрхэм зүйлсийн нэг юм.

Талархал – Бид ажилтнуудынхаа өдөр тутам компанийн үйл ажиллагаанд оруулж буй хувь нэмрийг үнэлэн, шагнаж, тэдний амжилтыг ажилтнуудтайгаа хуваалцдаг билээ. Ажилтнуудаа үнэлэн, тэдэнд талархах нь бидний эрхэмлэдэг зүйлүүдийн нэг юм.

Урамшуулал – Бид ажилтнуудын урамшууллын дүнг тогтмол салбарын шилдэг жишиг болон инфляцтай уялдуулдаг ба гүйцэтгэлд суурилсан шударга тогтолцоог баримталдаг билээ.

МСМ Группэд ажилласнаар дэлхийн тэргүүлэгч брэндүүдийн бүтээгдэхүүн, үйлчилгээтэй ажиллахаас гадна мөн нээлттэй харилцаа холбоо, тогтмол хөгжиж, өөрийн цар хүрээгээ тэлэх боломжтой багийн нэг болон ажиллах боломжтой.

Сэтгэл зүйн эрүүл мэнд биеийн эрүүл мэнд шиг чухал байдаг. Тиймээс МСМ Групп 2024 оныг ажилтнуудынхаа сэтгэлзүйнэрүүлмэндэд анхаарах жил болгож 2 удаагийн сэтгэл зүйн ганцаарчилсан зөвлөгөөг үнэ төлбөргүй авч, сургалтад хамрагдаж, сэтгэл зүйн талаар мэдээллүүдийг тогтмол авах юм.

Уг ажлуудын хүрээнд 1-р сард сэтгэл зүйн тэнцвэртэй байдлаа хэрхэн хадгалах, сэтгэл зүйгээ таньж мэдэх талаарх сургалтыг Сэтгэц оношилгоо, сэтгэл зүйн төвийн Захирал Д.Цогзолмаа “Хувь хүний сэтгэл зүйн тэнцвэртэй байдал” сэдвээр орлоо.

Хүүхдийн эрхийг хамгаалах, хангах олон төсөл санаачилгуудыг хэрэгжүүлдэг Лантуун ДОХИО ТББ-аас жил бүр шинэ жилээр “ИД ШИДИЙН УУТ 2023” аяныг хэрэгжүүлж байгаа билээ.

МСМ Групп нь компанийн нийгмийн хариуцлагын хүрээнд “ИД ШИДИЙН УУТ 2023” ид шидийг бүтээх аянд нэгдэж, хандив илгээлээ. Ид шидийн бэлгийн уутанд 3000 ширхэг Ocean Spray ундааг хандивласан бөгөөд мөнгөн хандив өгч, бэлгийг машинаар түгээхэд оролцохоор боллоо.

Нийгмийн сайн сайхан, хүүхдийн эрх, боловсрол хөгжилд урт хугацааны бодит хувь нэмэр оруулж буй төслийг дэмжин ажиллах нь бидний нийгмийн хариуцлагын зорилго билээ.

МСМ Группийн ажилтнуудад сар бүр мэдлэг, мэдээлэл олгох зорилгоор “Monthly Speaker Talks” хөтөлбөрийг хэрэгжүүлдэг билээ.
11-р сарын “Monthly Speaker Talks” хөтөлбөрөөр хөгжлийн бэрхшээлийн тухай ойлголт, хөгжлийн бэрхшээлтэй иргэдэд тулгарч буй нийгмийн асуудал болон тэгш хүртээмжтэй нийгмийг бий болгох талаар сургалтыг ХНХЯ-ны мэргэжилтэн, Олон улсын сургагч багш Б.Болороо “Хөгжлийн бэрхшээл ба тэгш байдлын тухай” сэдвээр орлоо.
Хөгжлийн бэрхшээл бол тухайн хүн ямар байх бус тэдний нийгмийн оролцоог хязгаарлах, тусгаарлахаас үүдэж буй бэрхшээл бөгөөд эдгээр бэрхшээлийг бид хандлагаа өөрчилж, орчин нөхцөлөө сайжруулахад зорьсноор тэгш хүртээмжтэй нийгэм бүрдүүлж чадна.
Бидэнд маш үнэ цэнтэй ойлголт, мэдлэгийг олгосон Б.Болороод гүнээ талархаж байгаагаа илэрхийлье.

Бид “НЭГ МСМ”-ийн үнэт зүйлс, соёлыг хамтдаа бий болгох зорилгоор нэгдсэн арга хэмжээ, сургалтыг тогтмол зохион байгуулдаг билээ.
Манай байгууллагын соёлын нэг хэсэг болох нийт ажилтнуудын спортын наадмыг жилийн турш сагс, хөлбөмбөг, теннис, шатар, гар бөмбөг болон дартсын тэмцээнүүдийг амжилттай зохион байгуулан өндөрлөж байна.
Спортын наадмын сүүлчийн тэмцээн болох гар бөмбөг болон дартсын тэмцээнд нийт 8 эрэгтэй баг, 6 эмэгтэй баг оролцсон бөгөөд ажилтнууд спортын авьяас чадвараа харуулахаас гадна хамтын ажиллагаа, эв нэгдэл, тууштай байдлыг харуулж чадлаа.
“НЭГ МСМ” – БИДНИЙ ҮНЭТ ЧАНАР

Энэхүү стратегийн худалдаа нь Jebsen & Jessen Группийн газар зүйн өргөжилтийг тэлж, түгээлтийн бүтээмжийг нь бэхжүүлэн, МСМ Группийн урт хугацааны өсөлт, хөгжлийг Монгол улсад баталгаажуулах юм.

УЛААНБААТАР/СИНГАПУР, 2024 оны 9-р сарын 2 – Индастриал, Автомашин, Химийн салбар, Хөдөө аж ахуй болон Шингэн хүнсний олон салбарт үйл ажиллагаа явуулдаг МСМ Групп өнөөдөр Jebsen & Jessen Группэд олонх хувьцаагаа худалдах болсноо зарлаж, компанийн болон ажилтнуудынхаа тасралтгүй ирээдүйн өсөлтийг баталгаажууллаа.

Монгол улсын тэргүүлэгч конгломератуудын нэг болох МСМ Групп нь олон төрлийн салбарт үйл ажиллагаа явуулдаг бөгөөд 1998 оноос хойш Монголын зах зээлд олон улсын премиум зэрэглэлийн брэндүүдийг нэвтрүүлж ирсэн бөгөөд 50 гаруй брэндийн цорын ганц дистрибьютор, түнш хэвээр байна. 650 гаруй ажилтантай МСМ Групп нь Улаанбаатар хотод үзэсгэлэнгийн танхим, засварын төвүүд, агуулах болон борлуулалтын төвүүдийн үйл ажиллагааг эрхэлдэг бөгөөд Өмнөговь аймаг болон бусад бүс нутагт мөн үйл ажиллагаа явуулж байна.

Үүсгэн байгуулагчид болон гол хувьцаа эзэмшигчид Лауренц Мелшерс, Дэвид Райнер нар нь хөрөнгө оруулагч Монголын Хөрөнгө Оруулалтын Сангийн хамт энэ мэдэгдлийг зарлаж буйд таатай байна.

Энэхүү худалдан авалт нь хоёр гэр бүлийн бизнесийн технологийн ноу-хау болон давуу талыг нэгтгэн, харилцан эерэг нөлөө бүхий зах зээлд үйл ажиллагаагаа тэлж байна. Хоёр групп нь гэр бүлийн хүрээнд бизнесийн түүхэн холбоотой төдийгүй, МСМ Групп нь Jebsen & Jessen Группийн индастриалын бүтээгдэхүүний дистрибьютороор Монгол улсад 10 гаруй жил ажиллаж ирсэн юм.

МСМ Групп болон ажилтнуудын ирээдүйг баталгаажуулах нь

МСМ Группийн үүсгэн байгуулагчид нь 30 гаруй жилийн турш Монголын хурдацтай өсөлт бүхий орчинд МСМ Группэд тасралтгүй дахин хөрөнгө оруулалт хийн үйл ажиллагааг нь өргөжүүлж ирсэн бөгөөд өөрсдийн Монгол улс, бизнесийн орчин, ялангуяа ажилтнуудынхаа өмнө хүлээсэн хариуцлагаа бүрэн ухамсарлаж байна.

Иймээс тэд бизнесийн өдөр тутмын үйл ажиллагааг тасралтгүй амжилттайгаар бие даан удирдан зохион байгуулах чадварлаг удирдлагын багийг бүрдүүлж, өргөн боломжоор хангасан юм.

МСМ Группийн олон арван жилийн турш цэцэглэн хөгжихийг баталгаажуулахын тулд үүсгэн байгуулагчид нь ижил үнэт зүйлс, урт хугацааны түүхтэй, мөн хөрөнгийн чадавх, олон улсад үйл ажиллагаагаа эрхэлдэг гэр бүлийн бизнесийг хайх хэцүү шийдвэрийг гаргасан юм.

Ийнхүү тохирох түншийг олоход багагүй хугацаа зарцуулсан бөгөөд энэ мэдэгдлийг хийх нь хоёр үүсгэн байгуулагчийн хувьд гунигтай бөгөөд баяртай мөч боловч тэд МСМ Группийн ирээдүй сайн гарт байгаа гэдэгт итгэлтэй байна. Түүнчлэн тэд МСМ Группийн хувьцаа эзэмшигч хэвээр үлдэх бөгөөд Улаанбаатар дахь бусад өөрсдийн бизнесийн үйл ажиллагаагаа өргөжүүлэх төлөвлөгөөтэй тул олон жилийн турш Монголд үнэнч хэвээр үлдэх болно.

“Jebsen & Jessen Группийн захирлуудын зөвлөлийн дарга Хайнрих Жессенийг олон жилийн турш мэргэжлийн болон хувийн шугамаар танихын хувьд Дэвид бид хоёр энэ алхам нь зөв бөгөөд МСМ Групп болон ажилтнуудын ирээдүйг олон жилийн турш итгэмжлэх төгс түнш гэдэгт итгэлтэй байна” гэж МСМ Группийн захирлуудын зөвлөлийн дарга Лауренц Мелшерс сэтгэгдлээ хуваалцлаа.

Нэмж дурдахад, МСМ Группийн үүсгэн байгуулагчид болон Jebsen & Jessen Групп нь МСМ Группийн Гүйцэтгэх захирал Марк Габелийг МСМ Группийн шинэ хувьцаа эзэмшигчийн бүтцэд хүлээж авахдаа таатай байна. Марк Габел нь МСМ Группийн гүйцэтгэх захирлын үүргээ үргэлжлүүлэн биелүүлж Jebsen & Jessen Группийн олон боломжийг бүрэн ашиглаж, МСМ Группийг ирэх жилүүдэд амжилттай өсгөх болно гэдэгт итгэлтэй байна.

Энэхүү хэлэлцээр нь Монгол улсын хууль ёсны холбогдох байгууллагуудын зөвшөөрлийн дараа хүчин төгөлдөр болсон. Хонг Конгд зохицуулалттай LCA Solutions нь МСМ Группийн үүсгэн байгуулагчдын санхүүгийн зөвлөхөөр ажилласан. Хонг Конг дахь Wschong & Co, Лондон дахь Mishcon de Reya болон Улаанбаатар дахь Melville Эрдэнэдалай нь үүсгэн байгуулагчдын хууль эрх зүйн зөвлөхөөр ажилласан бол Хонг Конг дахь Herbert Smith Freehills нь Монголын Хөрөнгө Оруулалтын Санд зөвлөхөөр ажилласан.

Зах зээлийн хүрээг өргөжүүлэх, чадавхыг нэмэгдүүлэх, өсөлтийн хамтын хүчин чармайлт

Энэхүү мэдэгдлээр Jebsen & Jessen Групп нь Монголын хурдацтай хөгжиж буй зах зээлд тэргүүлэх байр суурийг эзэлж, Зүүн Өмнөд Азид тогтсон зах зээлийн хүчирхэг байр сууриа давуулан дараагийн алхмаа хийж байна.

“МСМ Группийг Jebsen & Jessen гэр бүлийн нэг хэсэг болсонд баяртай байна. Энэхүү худалдан авалт нь бидний олон улс дахь нөлөөллийг өргөжүүлэх, үйлдвэрлэл, түгээлтийн чадавхыг нэмэгдүүлэх зорилготой стратегийн алхам юм” гэж Jebsen & Jessen Группийн гүйцэтгэх захирал Пер Магнуссон хэлэв. “МСМ Группийн Монгол дахь тэргүүлэх зах зээлийн байр суурь, хүчирхэг удирдлагын баг, ажиллах хүч, олон чиглэлийн бизнес нь манай портфолио багцад үнэтэй нэмэлт хүч болох болно. Бид эдгээр үйл ажиллагааны хүрээнд хамтын хүчин чармайлтаар илүү өсөлт хөгжилд хүрэх юм.”

МСМ Группийн хувьд энэхүү худалдан авалт нь Jebsen & Jessen Группийн өргөн хүрээний нөөц, туршлагыг хэрэгжүүлэх боломжийг олгож, өсөлт, хөгжлийн шинэ замыг нээж өгч байна. МСМ Групп нь Jebsen & Jessen Группийн долоо дахь бизнес нэгж болох юм. МСМ Групп нь одоогийн компанийн нэр, удирдлага дор үйл ажиллагаагаа үргэлжлүүлж, бүх үйл ажиллагаа, бизнес хэвийн үргэлжлэх болно.

“МСМ Групп нь олон арван жилийн турш хүчтэй өсөлтийг эдэлж, өнөөгийн зах зээлийн тэргүүлэгч компани болсон. Jebsen & Jessen Группт нэгдэх нь бидний үйл ажиллагааг урьд өмнөхөөс өндөр түвшинд хүргэх боломжийг олгож байна. Энэ бол манай баг хамт олон болон бидний төлөөлж буй брэндүүдийн хувьд баяртай мөч юм” гэж МСМ Группийн гүйцэтгэх захирал Марк Габел хэлэв.

Jebsen & Jessen Группийн тухай

1895 онд Хонг Конгт байгуулагдсан худалдааны түншлэлээс үүссэн олон улсын гэр бүлийн бизнесийн нэг хэсэг болох Jebsen & Jessen Групп нь өнөөдөр Сингапурт төвтэй үйлдвэрлэлийн конгломерат бөгөөд үйлдвэрлэл, инженерчлэл, уул уурхай, түгээлтийн үйл ажиллагааг хамарсан олон төрлийн бизнесийн цар хүрээтэй юм. Үндсэн бизнесүүд нь кабелийн технологи, анар чулуу, шинжлэх ухаан, сав баглаа боодол болон бусад үйлдвэрлэлийн технологийг 5 тивийн 15 гаруй оронд хамардаг. 4,000 гаруй ажилтнууд нэг хамт олон болон ажиллаж, үйлчлүүлэгчдэд хүргэх бүтээгдэхүүн, үйлчилгээг хөгжүүлэн ажиллаж байна.

Дэлгэрэнгүй мэдээллийг www.jjsea.com вэбсайтаас авна уу.

МСМ Группийн тухай

1998 онд байгуулагдсан МСМ Групп нь өдгөө 650 гаруй мэргэжлийн Монгол болон гадаадын ажилтантай автомотив, индастриал, шингэн хүнсний салбарын тэргүүлэгчдийн нэг юм. МСМ Групп/SGT нь дэлхийн гурав дахь том зэс, алтны уурхай болох Оюу Толгойн стратегийн бизнесийн түнш юм. МСМ Групп нь хэрэглэгчид болон түншүүдэд дээд зэргийн чанартай хувийн болон үйлдвэрлэлийн зориулалттай бүтээгдэхүүн, үйлчилгээг хүргэдэг. Үүнээс гадна МСМ Групп нь компанийн нийгмийн хариуцлагын хүрээнд эрүүл мэнд, хүрээлэн буй орчин, тогтвортой байдал, урлаг, хүүхдийн боловсрол зэрэг олон салбарт нийгмийн төсөл хөтөлбөрүүдийг дэмжин ажилладаг.

Дэлгэрэнгүй мэдээллийг www.msmgroup.mn вэбсайтаас авна уу.

Танд тодруулах зүйл байвал дараах холбогдох мэдээллээр холбогдоно уу:

“МСМ Групп” ХХК нь байгуулагдсанаас хойш 500 гаруй мэргэшсэн, чадварлаг ажиллагсадтайгаар Автомотив, Индастриал, Шингэн хүнс зэрэг бизнесийн үндсэн 3 салбарт үйл ажиллагаа эрхлэн ажиллаж байна. 

Бид 1998 онд анх үйл ажиллагаагаа дэлхийн тэргүүлэгч Mercedes-Benz, Jeep автомашины брэндүүдийн Монгол дахь албан ёсны төлөөлөгч болон эхлүүлсэн ба 2023 онд тохиож буй 25 жилийн ойгоор үйл ажиллагаагаа борлуулалт нийлүүлэлтээс гадна засвар үйлчилгээ, түрээсийн үйлчилгээ, мэргэшсэн ажиллах хүчний хүний нөөцийн үйлчилгээ, үйлдвэрлэлээр өргөжүүлэн аливаа улсын эдийн засгийн хөгжилд чухал нөлөөлөл үзүүлдэг барилга, аж үйлдвэр, бүтээн байгуулалт, хөдөө аж ахуй, уул уурхай, үйлдвэрлэлийн салбарын хөгжилд бодитой хувь нэмрийг оруулан үйл ажиллагаагаа эрхэлж байна. 

Бидний түүхийн онцлох үеүдтэй та танилцаарай.

“МСМ Групп” ХХК нь компанийн нийгмийн хариуцлагын хүрээнд Цус сэлбэлт судлалын үндэсний төв (ЦССҮТ)-тэй хамтран цусны донорын өдрийг зохион байгуулж, хамт олноороо цусаа хандивлан цусаа өгөх чухал хүмүүнлэгийн үйлсийг дэмжин ажиллалаа.

Тус цус цуглуулах арга хэмжээгээр нийт 60 гаруй ажилтан цусны донорын эгнээнд нэгдэж, цусаа өгсөн бөгөөд цугласан нийт цус, цусан бүтээгдэхүүн нь 190 гаруй хүнд нэн шаардлагатай сийвэн, улаан эс, ялтаст эхийн цусан бүтээгдэхүүн болж хүрэх юм.

“МСМ Групп” ХХК нь нийгмийн хариуцлагын зорилтуудаа үргэлжлүүлэн хэрэгжүүлж, нийгмийн сайн сайхан, хөгжилд урт хугацааны бодит хувь нэмэр оруулж буй төслүүдийг дэмжин ажиллах нь бидний нийгмийн хариуцлагын зорилго билээ. 

“МСМ Групп” ХХК нь компанийн нийгмийн хариуцлагын хүрээнд Shambala2056 төслөөс хэрэгжүүлж буй “BE HUMAN” буюу “Байгальд Хайртай Хүн Бай” аяныг 2021 оноос эхлэн урт хугацаанд дэмжин хамтран ажиллаж байгаа билээ. Төслийн хүрээнд хөрсний доройтол, цөлжилтөд өртсөн бүс нутаг болох Дорноговь аймгийн Эрдэнэ сумын нутагт тарьж ургуулж буй ой модод 286 мод тарьж, мөн Улаанбаатар хотын Улиастайн эцэс орчмын байршилд 286 мод тарих буюу нийт 572 модыг тарьж ургуулан, тордолт арчилгааг дэмжин ажиллаж байгаа юм.

Үүний хүрээнд Дорноговь аймгийн Эрдэнэ сумын нутагт ургаж буй “BE HUMAN” лэнд-арт буюу тарьсан модоор хийсэн бичиглэлийн “А” хэсэгт “МСМ Групп” ХХК-ийн нийт 286 мод ургаж байна. Эдгээр тарьсан моддын үр дүнд 2022 оны байдлаар нийт 1,3 сая гаруй кг нүүрсхүчлийн давхар ислийг боловсруулж, 2,1 сая гаруй кг хүчил төрөгчийг ялгаруулан, 7,2 сая гаруй кг биомассыг үүсгэсэн буюу хөрсний бүтцийг сайжруулж байна.   

“МСМ Групп” ХХК нь нийгмийн хариуцлагын зорилтуудаа үргэлжлүүлэн хэрэгжүүлж, нийгмийн сайн сайхан, хөгжилд урт хугацааны бодит хувь нэмэр оруулж буй төслүүдийг дэмжин ажиллах нь бидний нийгмийн хариуцлагын зорилго билээ.