MSM

Таны эйр кондишн халуунаар үлээх хэд хэдэн шалтгаан байж болно. Цаг хугацаа өнгөрөх тусам автомашины эйр кондишны систем нь хөргөлтийн шингэн алдагдах, салоны шүүр бөглөрөх, битүүмжлэлээ алдах зэргээс шалтгаалан муудаж байдаг. Гэсэн хэдий ч таны эйр кондишн муу ажиллах, ажиллахгүй байгаа гол бөгөөд хамгийн их магадлалтай шалтгаан нь эйр кондишны системд хөргөлтийн бодис бага байгаа явдал юм. Тиймээс бид агааржуулагчийг шалгаж, цэнэглэхийн тулд зохих шингэн бүхий төхөөрөмжийг ашиглах хэрэгтэй.

Хэрэв та дугуйгаа улирлын чанартай солих (жишээ нь зуны дугуйнаас өвлийн дугуй руу эсвэл эсрэгээр) эсвэл эвдэрсэн зэрэг шалтгааны улмаас дугуйгаа сольж байгаа бол дугуйн баланс хийх шаардлагатай.
Дугуйг обуданд дахин суулгахдаа чичиргээ болон дугуйн хэвийн бус элэгдлийг арилгахын тулд дугуйн балансыг зөв тэнцвэржүүлэхийг зөвлөж байна.
Автомашины урсгал засвар үйлчилгээний хүрээнд жолооч нар 5,000-10,000 км явсны дараа эсвэл 1-2 жилийн дараа (аль нь түрүүлж ирсэн) дугуйндаа баланс хийлгэж байхыг хичээх хэрэгтэй.

Хүмүүс ихэвчлэн “Check engine” гэрэл ассан эсвэл автомашины хөдөлгүүрт доголдол үүссэн үед хөдөлгүүрээ оношлуулахаар автомашинаа авчирдаг.
Хөдөлгүүрийн оношилгоо нь хөдөлгүүр хэвийн бус, доголдолтой ажиллаж байгаа талаар илүү дэлгэрэнгүй тодорхойлохын тулд хийгддэг оношилгоо юм. Хөдөлгүүрийн оношилгоог чадварлаг механикууд зохих тоног төхөөрөмжөөр хийдэг.

Явах эд анги нь зам болон автомашины хооронд үүссэн олон төрлийн хүчийг шилжүүлэх, шингээх, уусгаж автомашиныг замтай үргэлж холбоотой байлгахад зориулагдсан. Энэ нь аюулгүй байдлыг хангахад чухал хувь нэмэр оруулаад зогсохгүй жолоодлогын тав тухыг хангахад ихээхэн хувь нэмэр оруулдаг. Энэхүү оношилгоо нь амортизатор, хөндлөн гар, резинэн татуурга, резинэн втулка, лап, тулгуур эд анги, өндгөн тулгуур зэрэг бүх явах эд ангиудыг үзлэгийн багтаадаг.

Компьютер оношилгоо нь орчин үеийн автомашины засварын чухал хэсэг юм. Цахилгаан удирдлагын хэсэг(ECU) гэж нэрлэдэг бөгөөд автомашины үзүүлэлтийн талаарх мэдээллийг цуглуулдаг олон тооны мэдрэгчийг агуулдаг. Эдгээр нарийн төвөгтэй компьютерын системүүдэд ямар нэг асуудал үүсэхэд тусгай компьютер эсвэл оношилгооны багаж ашиглахгүйгээр асуудлыг тодорхойлоход хэцүү байдаг. Энд л компьютер оношилгоо хийх шаардлага үүсдэг.Компьютер оношилгоо нь мэдрэгчээр цуглуулсан мэдээллүүдийг уншиж, тайлбарлахын тулд оношилгооны багажны тусламжтайгаар засварчинд автомашины нөхцөл байдлын талаарх дэлгэрэнгүй тайланг өгдөг.

Сүүлийн үед ихэнх автомашин үйлдвэрлэгчид хөдөлгүүрийг бүрэн хамгаалахын тулд удаан эдэлгээтэй хөргөлтийн шингэнийг ашигладаг болсон.
Хөргөлтийн шингэн нь цаг хугацааны явцад муудах бөгөөд шингэнийг хараад муудсан эсэхийг хэлэхэд хүндрэлтэй байдаг тул шалгаж байх шаардлагатай.
Тиймээс автомашины хөргөлтийн шингэнийг тогтмол шалгаж, шаардлагатай бол солих шаардлагатай.

Хурдны хайрцийн шингэн нь таны автомашины хурдны хайрцаг доторх хөдөлгөөнт хэсгүүдийг тосолж, гүйцэтгэлийг нь нэмэгдүүлдэг. Хөдөлгүүрийн тостой нэгэн адилаар цаг хугацаа өнгөрөх тусам хурдны хайрцгийн шингэн мууддаг. Хурдны хайрцгийн шингэнээ солих нь чухал боловч таны хурдны хайрцгийн төрлөөс хамаарч солих хугацаа өөр байдаг. Хэрэв та механик хурдны хайрцагтай автомашин жолооддог бол ихэнх үйлдвэрлэгчид хурдны хайрцгийн шингэнийг 20,000-40,000 км тутамд солихыг зөвлөдөг. Хэрэв та автомат хурдны хайрцагтай автомашинтай бол үйлдвэрлэгчид шингэнийг 40,000-аас 60,000 км-т солихыг зөвлөдөг.

Автомашины хөдөлгүүр нь олон хөдөлгөөнт эд ангиудаас бүрддэг. Хөдөлгүүрийн тос нь хөдөлгүүрийг тосолж, дулааныг шингээж, дотоод эд ангиудыг хэт халахгүйгээр үр дүнтэй ажиллах боломжийг олгодог. Цаг хугацаа өнгөрөхөд хөдөлгүүрийн тос тослох чанараа алдаж муудаж эхэлдэг. Энэ үед хөдөлгүүрийг тослох, дулаан шингээх чадвар мууддаг. Тэгэхээр та тосоо хэр хугацаанд солих ёстой вэ? Автомашины үйлдвэрлэгчид бүтээгдэхүүнээсээ хамааран хөдөлгүүрийн тосыг өөр өөр зай эсвэл километрт солихыг санал болгодог. Хамгийн түгээмэл нь хөдөлгүүрийн тосыг 5000км тутамд солих явдал юм.