Author: admin

Бид доорх бодлогыг баримтална:

• Холбогдох бүх байгаль орчны хууль тогтоомж, гэрээгээр хүлээсэн үүргээ тодорхойлж, тэдгээрийг мөрдөж ажиллах.
• Байгаль орчныг бохирдуулахаас сэргийлэх бүх боломжит арга хэмжээг авах.
• Эрчим хүч, материалыг үр ашигтай ашиглах замаар нөөцийг арвилан хэмнэх.
• Бизнесийн бүх төслүүддээ байгаль орчны үйл ажиллагааг системтэйгээр удирдан зохион байгуулах. 
• Өөрийн ажилтнуудын байгаль орчны мэдлэг, энэ талаар хүлээсэн үүргийн талаар ойлголтыг сайжруулахын тулд сургалт явуулах.
• Байгаль орчны үйл ажиллагаагаа байнга сайжруулах үүднээс зорилго зорилтоо тодорхойлж, үр дүнг тогтмол хянах.
• Байгаль орчны зорилтуудаа хэрэгжүүлэхэд шаардлагатай хөрөнгөөр хангах.
• Байгаль орчны удирдлагын тогтолцоогоо ISO 14001 олон улсын стандартад нийцүүлэх.

Ажилтан бүр энэхүү журмын талаар ойлголттой байж, түүнийг хэрэгжүүлэх, хэрэгжилтийг хангах үүрэгтэй. Мөн ажилтнууд уг журмыг манай хамтран ажилладаг түншүүд, нийлүүлэгч, үйлчлүүлэгч нар таниулж ойлгуулах, тэднээр хүлээн зөвшөөрүүлэх талаар ажиллах шаардлагатай.  

Энэхүү зорилгодоо хүрэхийн тулд:

• Бизнесийн үйл ажиллагаандаа бэртэл гэмтэл, мэргэжлээс шалтгаалсан өвчлөл, орчны бохирдол, өмчийн эвдрэл, аюулгүй байдал, хэвийн үйл ажиллагаа таслагдахад хүргэж болзошгүй, мөн бүтээгдэхүүний чанарт нөлөөлж болзошгүй осол зөрчлүүдээс сэргийлж ажиллана. 
• Холбогдох хууль тогтоомжийг мөрдөж, олон улсад хүлээн зөвшөөрөгдсөн үйлдвэрлэлийн арга барил болон стандартуудыг баримтална. 
• Үйлдвэрлэлийн бүтээмж буюу ашигт ажиллагаа зэрэг бизнесийн тулгамдсан асуудлуудын талаар шийдвэр гаргахдаа хөдөлмөрийн аюулгүй байдал, эрүүл ахуйн шаардлагуудыг нэн тэргүүнд харгалзан үзнэ.
• Аюулгүй ажиллагааг сайжруулах, тэргүүн туршлагыг бий болгох, нэвтрүүлэх зорилго, зорилтуудаа тодорхойлж, түүнийг биелүүлнэ. Хөдөлмөрийн аюулгүй байдал, эрүүл ахуйн гүйцэтгэлийг эдгээр зорилго, зорилтуудын биелэлттэй харьцуулж хянана. 
• Хөдөлмөрийн аюулгүй байдал, эрүүл ахуйн болон чанарын удирдлагын тогтолцоог үйл ажиллагааныхаа бүхий л түвшинд бий болгож, тасралтгүй сайжруулж байхын төлөө компанийн дээд удирдлага идэвхтэй дэмжин ажиллах ба уг тогтолцоо нь олон улсын ISO 45001 болон ISO 9001 стандартад нийцсэн байна. Ингэснээр бид бүхий л үйл ажиллагааны явцад аюулыг илрүүлж, эрсдэлийг үнэлэн, шаардлагатай хяналтын арга хэмжээг авч хэрэгжүүлнэ.
• Ажиллагсдад шаардагдах сургалтыг зохион байгуулж, ажилд нь тохирсон багаж хэрэгсэл, тоног төхөөрөмжөөр ханган, ажил үүргээ аюулгүй гүйцэтгэх нөхцөлийг бүрдүүлнэ.
• Хөдөлмөрийн аюулгүй байдал, эрүүл ахуйн үйл ажиллагаанд ажиллагсад хувь нэмрээ оруулах оролцоог хангана. 
• Энэхүү бодлогыг хэрэгжүүлэхэд хүрэлцэхүйц зохих нөөцөөр хангана.
• Энэхүү бодлогыг олон нийтэд нээлттэй байлгана. 

Манай компанийн бүх ажиллагсад, гэрээтүүд болон зочид энэхүү бодлогыг дагаж мөрдөх ба компанийн талбайд ажиллах, зочлох үедээ МСМ Групп ХХК-ийн Хөдөлмөрийн аюулгүй байдал, эрүүл ахуйн удирдлагын тогтолцооны бодлого, журмуудыг заавал дагаж мөрдөнө. 

Бизнесийн нэгжийн ахлах менежерүүд нь өөрсдийн удирдлагуудын дэмжлэгтэйгээр энэхүү бодлогыг дагаж мөрдүүлж ажиллана.

Чанарын үзүүлэлт, бизнесийн үйл ажиллагаа, бүтээгдэхүүн үйлчилгээний чанараа тогтмол сайжруулан ажилласнаар хэрэглэгчдийн шаардлагыг хангаж, улмаар давуулан биелүүлнэ.           

Чанарын Удирдлагын Тогтолцоо ISO 9001:2015-н бүхий л шаардлагыг амжилттай биелүүлж, Монгол улсын хуульд бүрэн нийцэж ажиллана;         

Чанарын бодлого нь МСМ Группийн жил жилийн зорилтууддаа хүрэх, ажилчдаа чадавхжуулах үндсэн зарчим мөн бөгөөд түүнийг бүхий л оролцогч талуудад таниулах, тэдний ойлголтыг бэхжүүлэхийн төлөө ажиллана.